Կիեւում այսօր ավարտվում է ազատ ոճի ըմբշամարտի ուկրաինացի հանրահայտ ըմբիշներին եւ մարզիչներին նվիրված միջազգային հուշամրցաշարը, որին մասնակցում է նաեւ Հայաստանի հավաքականը: Մեր թիմից 65 կգ քաշային Վալոդյա Ֆրանգուլյանը երեկ եզրափակչում պարտվել է Ուկրաինան ներկայացնող Գոռ Օգաննեսյանին եւ բավարարվել արծաթե պարգեւով:
Aravot.am-ի հետ զրույցում Հայաստանի ազգային հավաքականի գլխավոր մարզիչ Հաբեթնակ Կուրղինյանն ասաց, որ գոհ է Ֆրանգուլյանի մասնակցությունից՝ նկատի առնելով, որ մարզիկը անցած տարի ստացած ուսի վնասվածքը բուժելու նպատակով վիրահատությունից հետո առաջին անգամ էր մրցման մասնակցում:
Հուշամրցաշարն այսօր ավարտվում է եւ 125 կգ քաշային Անդրանիկ Գալստյանը գոտեմարտելու է բրոնզե մեդալի համար:
Կարդացեք նաև
Աշոտ ՀԱԿՈԲՅԱՆ
