Ինչպես ավելի վաղ հայտնել էինք, Ջերմուկում այսօր ընթանում է ջերմուկցիների, գնդեվազցիների եւ բնապահպանների հանրահավաքը, որի պահանջն է՝ Ամուլսարի հանքի շահագործման դադարեցում:
«Կենսահամակարգի որեւէ փոփոխություն, որը կհանգեցնի խաթարման, կարժանանա կոշտ հակազդեցության: Մետաղական հանքի շահագործումը մեր համար այլընտրանք չէ, նոր աշխատատեղերի հույս չէ, քանի որ մենք արդեն ունենք կայուն եւ հաջողակ տնտեսական համակարգ՝ Ջերմուկը հայտնի առողջարանային համալիր է»,-ասված է վարչապետ Փաշինյանին, կառավարությանը եւ պատգամավորներին ուղղված ջերմուկցիների նամակում, որն ընթերցվեց հավաքի ընթացքում:
Նամակում բնակիչները շեշտել են, որ Ամուլսարի հանքավայրում աշխատանքի անցած ջերմուկցիները, որոնք ավելի վաղ սպասարկման ոլորտում էին աշխատում եւ ավելի ցածր աշխատավարձ ստանում, իրենց իսկ ձեռքով դադարեցրել են հանքավայրի շինարարական աշխատանքները. «Երիտասարդությունը հրաժարվեց սեփական բարձր աշխատավարձից: Մենք բավարարված են մեր աշխատանքով եւ մեզ պետք չէ պարտադրել հանքարդյունաբերության ծրագիր, որի դեմ պայքարում ենք: Հարգելի վարչապետ, մենք դուրս ենք եկել պայքարի ոչ միայն հանուն բնապահպանության, այլեւ հանուն խախտված իրավունքների: Կառավարության դիրքորոշումն անորոշ է, ինչի պատճառով Ամուլսարը շրջափակած եւ նստացույց անողների հանդեպ քրեական գործ է հարուցվել»:
Կարդացեք նաև
Լուիզա ՍՈՒՔԻԱՍՅԱՆ
