«Ա1+». Օղակաձեւ այգու՝ Ֆիզիկական կուլտուրայի ինստիտուտի դիմացի հատվածում, գունավոր կառույց է հայտնվել։ Նախկինում էլ այստեղ սրճարան կար, բայց քանի որ վաղուց այն չէր գործում, ենթադրվում էր՝ քանդվելու է։
Երեւանի քաղաքապետ Հայկ Մարությանն այսօր բացառել է, որ Օղակաձեւ այգում նոր սրճարան կառուցվի, իսկ Կենտրոն վարչական շրջանի ղեկավարը ասել է, թե չի կառուցվում, բարեկարգվում է։ Բայց փաստն այն է, որ այգում նոր սրճարան է, նախատեսված երեխաների համար, նույնիսկ եթե թույլտվությունը տրված է նախկինում։
