ԱԺ-ում այսօր Դատախազության 2018թ.-ի գործունեության քննարկման ժամանակ «Լուսավոր Հայաստան» խմբակցության պատգամավոր Արման Բաբաջանյանը գլխավոր դատախազ Արթուր Դավթյանին հարցրեց՝ «Ի՞նչ է անում դատախազությունը, որպեսզի Հենրիկ Խաչատրյանի սպանության գործով կասկածները փարատվեն»:
Հիշեցնենք, որ ՀՀ գլխավոր դատախազ Հենրիկ Խաչատրյանը սպանվել էր 1998թ.-ին:
Արթուր Դավթյանը պատասխանեց, որ Հենրիկ Խաչատրյանի գործին իրավական գնահատական տրվել է. «Ինձ հայտնի նոր տեղեկություններ չկան դրա վերաբերյալ»:
Արման Բաբաջանյանը շարունակեց. «Լոռու մարզի դատախազ Ալբերտ Ղազարյանի սպանությունն էլ մնում է չբացահայտված»: Արթուր Դավթյանը շեշտեց՝ գործը մինչ օրս չբացահայտվածի կարգավիճակում է, բայց օպերատիվ-հետախուզական աշխատանքն ակտիվ է. «Ինձ տեղեկություն է հայտնի, որ օպերատիվ-հետախուզական աշխատանքներ են արվում՝ որոշակի ուղղություններով: Մեր մոտեցումն այն է, որ եթե ի հայտ են գալիս դեպքեր, դրանք պարտադիր արձագանք են ստանում՝ անկախ նրանից, թե նախկինում ինչ արձագանքի են արժանացել»:
Կարդացեք նաև
Հիշեցնենք, որ Լոռու մարզի դատախազ Ալբերտ Ղազարյանը սպանվել էր 2007թ.-ին՝ Վանաձորում:
Լուիզա ՍՈՒՔԻԱՍՅԱՆ
