«Հայկական ժամանակ»-ը զրուցել է ՀՀ անշարժ գույքի կադաստրի պետական կոմիտեի ղեկավար Սարհատ Պետրոսյանի հետ:
– Պարոն Պետրոսյան, 2019 թ. մարտին անշարժ գույքի նկատմամբ իրականացվել է իրավունքի պետական գրանցման 15 հազար 213 գործարք: Այս թիվը փետրվարի համեմատ աճել է 15, իսկ 2018-ի մարտի համեմատ՝ 6.7 տոկոսով: Ինչո՞վ է սա պայմանավորված:
– Մի քանի պատճառներ կան՝ սկսենք ամենաընդհանրական դեպքից, բնականաբար նախորդ տարվա մարտ-ապրիլի քաղաքական իրադարձություններն իրենց մեջ ունեն դրական ազդակներ տալու մեծ ներուժ, որը աշնանը նույն քաղաքական պրոցեսների այսպես ասած վերջին ակորդների ժամանակ կարծես ավելի պահպանողական դարձավ եւ միանգամից շատ ակտիվ արտահայտվեց փետրվար–մարտ-ապրիլ ամիսների ընթացքում: Սա թիվ 1 պատճառն է:
2-րդը, որ էական փոփոխություններ ունենք հիպոտեկային շուկայի կառուցվածքում, եւ այսօր մոտավորապես 6-6.5 տոկոսով հիպոտեկի տոկոսադրույք ունենք, որը չտեսնված բան է: 2018 թ. սկզբին ամենացածր տոկոսը 10.5-ի կարող էր հասնել, միանգամից 4 տոկոսի չափով բարելավում ունենք այդ առումով:
Կարդացեք նաև
3-րդ պատճառը, կարծում եմ, նաեւ այն է, որ առաջարկի շուկայում ունեցանք նաեւ շարունակական փոփոխություն եւ շուկա մտան միջին խաղացողներ։ Երեւանի քաղաքապետարանի, կառավարության ու իմ աշխատանքի արդյունքում այսօր բազմաթիվ են բյուջետային կառուցապատման նախագծերը, որոնք կարողանում են ընդլայնել այն շրջանակը, որոնք մենք կարող ենք դիտարկել որպես անշարժ գույքի շուկայի ակտիվ ձեռքբերումներ։
– Ըստ կադաստրի կոմիտեի ներկայացրած տվյալների՝ ամբողջ ՀՀ-ում 2019-ի մարտին բազմաբնակարան բնակելի շենքերի բնակարանների 1 քմ մակերեսի հաշվարկով շուկայական միջին գները աճել են: Ո՞րն Է պատճառը եւ արդյո՞ք գները օբյեկտիվորեն են բարձրացվել:
– Իրականում օբյեկտիվության գնահատական տալիս է առաջարկն ու պահանջարկը: Եթե մենք ունենք պահանջարկ, բնականաբար դա նաեւ ազդելու է գնի վրա: Իրենք մոտավորապես չափելի են: Երեւանում այս մարտին՝ նախորդ մարտի համեմատ ունենք 16.4 տոկոս աճ միայն առք ու վաճառքի համար: Երեւանի կենտրոնում, որն ամենաճիշտ ցուցիչն է, ունենք նույն 17 տոկոսը, որը շատ տրամաբանական է: Այսինքն, մարդիկ ուզում են տուն գնել, գները բարձրանում են, շուկան էլ հարմարվում է դրան:
Նիկոլայ ԱՎԵՏԻՍՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
