«Վերջին մեկ տարվա իրադարձությունները չկտրենք քաղաքական իրադարձություններից: Հեղափոխությունից հետո տնտեսական և սոցիալական հարցերի լուծման նկատմամբ հասարակության սպասումները բավականին մեծ էին: Արդյոք դրանք ամբողջովին արդարացվա՞ծ են, բնական է, որ դեռևս ամբողջությամբ չեն արդարացել հասարակական սպասումները»,- հարցին՝ արդյոք վերջին մեկ տարում արդարացա՞ն հասարակական սպասումները, «Հոդված 3» ակումբում այսպես պատասխանեց ՀՀ վարչապետի խորհրդական, տնտեսագետ Մեսրոպ Առաքելյանը:
Նա նշեց սոցիալական խնդիրները՝ 25 տոկոս աղքատություն, նախկինում եղած ստվերային տնտեսություն: Հետո էլ վստահեցրեց, որ այժմ իշխանությունն ու բիզնեսն ամբողջովին տարանջատված են: Հակադարձմանը՝ այդ դեպքում ի՞նչ գործ ունի Գագիկ Ծառուկյանը ՀՀ ԱԺ-ում, վարչապետի խորհրդականը պատասխանեց. «Նախկինում այն բիզնեսմենները, որոնք որոշ չափով ներգրավված էին իշխանության մեջ և ԱԺ-ում, նրանք հնարավորություն ունեին ազդել իշխանության տնտեսական որոշումների վրա: Այսօր Գագիկ Ծառուկյանը կամ այլ պատգամավոր իր բիզնես շահերի տեսանկյունից հնարավորություն չունի ազդել կառավարության տնտեսական քաղաքականության վրա»:
Տաթև ՀԱՐՈՒԹՅՈՒՆՅԱՆ
