Բնապահպանության նախկին նախարար Արամ Հարությունյանի պաշտպանները վիճարկում են` արդյոք իրավաչա՞փ է նոր երևան եկած հանգամանքների հիման վրա գործի վերաբացումը, թեեւ գործարար Սիլվա Համբարձումյանը, որ Հարությունյանի դեմ դեռեւս 2015-ին բողոք էր ներկայացրել, դատարանում հայտարարել էր , որ պետք է գործը վերաբացվի, մեղավորներն էլ պատասխան տան:
Մայիսի 7-ին նշանակված դատական նիստը, կրկին հետաձգվեց: Aravot.am-ի հետ զրույցում Արամ Հարությունյանի պաշտպան Կարեն Հակոբյանը տեղեկացրեց, որ դատավորը մտել է խորհրդակցական սենյակ, իսկ հաջորդ նիստի օրը դեռ պարզ չէ:
Հիշեցնենք, որ Արամ Հարությունյանը որպես մեղադրյալ է ներգրավվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով (առանձնապես խոշոր չափերով կաշառք ստանալը եւ խոսքը տվյալ պարագայում 14 միլիոն դոլարի մասին է), ինչպես նաեւ 190-րդ հոդվածի 3-րդ մասի 1-ին կետով` առանձնապես խոշոր չափերով փողերի լվացում: Նախկին նախարարի նկատմամբ հայտարարվել է հետախուզում, նախաքննական մարմինն էլ նրան կալանավորելու միջնորդություն էր ներկայացրել, որը դատարանը բավարարվել է:
Գոհար ՀԱԿՈԲՅԱՆ
