«Երբ Դավիթ Սանասարյանի վրա գործ հարուցեցին, ձեր մի հատվածը՝ խորհրդարանական, արտախորհրդարանական, նաեւ քաղաքացիական հասարակության մի հատվածը, սկսեց ասել, որ գործն ԱԱԾ-ի քննչականից պետք է տալ ՀՔԾ-ին»,-ԱԺ ամբիոնից այսօր հայտարարեց «Լուսավոր Հայաստան» խմբակցության ղեկավար Էդմոն Մարուքյանը:
«Բա երբ մենք ասում էինք, որ ԱԱԾ-ն քննչական մարմին չպետք է ունենա, այն պետք է միանա քննչական ընդհանուր մարմին, ինչո՞ւ որեւէ մեկը մի բան չէր անում, թե սպասում էիք, որ ձեր հորեղբոր տղու վրա գործ հարուցեն, նոր հիշեիք, որ նման բան կա»,-հարցադրումներ արեց պատգամավորը:
Ապա հիշեցրեց Նիկոլ Փաշինյանի խոսքերն այն մասին, որ ՀՀ-ում «ախպերությունն» այլեւս տեղ չունի. «Բա սա ի՞նչ ախպերություն է»:
Հիշեցնենք, որ Պետական վերահսկողական ծառայության ղեկավարի լիազորությունները կասեցրած Դավիթ Սանասարյանը «Հեմոդիալիզի գործով» մեղադրվում է պաշտոնեական դիրքի չարաշահմամբ պետական գնումների գործընթացին ապօրինի միջամտելու եւ օրինական ձեռնարկատիրական գործունեության համար խոչընդոտներ ստեղծելու համար:
Կարդացեք նաև
Լուիզա ՍՈՒՔԻԱՍՅԱՆ
