«Սաղի դարդ ու ցավը մնացել է Ծառուկյանի մանդատը, սաղ երկրի խնդիրները լուծվել, պրծել ա, հա՞»,- այսօր ԱԺ-ում լրագրողների հետ զրույցում ասաց ԲՀԿ առաջնորդ Գագիկ Ծառուկյանը՝ հակադարձելով իր հետ կապված վերջին քննադատություններին ու մանդատից հրաժարվելու պահանջներին:
Նրա խոսքով՝ «Ծառուկյանը մի անգամ որպես պատգամավոր գնաց Եվրոպա, Բրյուսել, այնտեղից 80 պատգամավոր հրավիրեց Հայաստան, 80-ից 25-ին տարավ Ղարաբաղ, որ էս 30 տարվա մեջ կյանքում չի գնացել: Բայց որ «վեռտալյոտ» էլ տրամադրեին, նախանձությունից էդ էլ չտրամադրեցին, կարայի 40-50-ը տանեի: Որ տարել եմ, ցույց եմ տվել մարդիկ ինչ խաղաղ Ղարաբաղում ապրում են, քաղաքի կենտրոնում Բակո Սահակիչը սեղան է գցել, նրանք հիացած գնացին: Պատկերացնում էին մինչեւ այդ, թե Ղարաբաղում տանկեր են, պատերազմ, մարդիկ կասկաներով են ման գալիս»:
Ըստ Ծառուկյանի, մարդիկ դատարկ-դատարկ խոսում են, խոսել բոլորը կարող են, այ անել չեն կարող:
Հռիփսիմե ՋԵԲԵՋՅԱՆ
