«Ժամանակներ են եղել, երբ դաշնագիրը մոտ է եղել իրականություն դառնալուն, բայց օբյեկտիվ պատճառներից ելնելով` այն հետաձգվել է: Այժմ տեսնում ենք, որ պահն է, որ այն ընդունվի: Բոլոր հիմքերը կան, որ այսօրվա ֆորումի հռչակագիրը կարող է դառնալ երկու պետությունների միջեւ իրավական պայմանագրի հիմքը: Համոզված եմ, որ այսպիսի ներկայացուցչական կազմով քննարկումները հնարավորություն են տալիս մտքեր փոխանակելու ու հստակ դիրքորոշումներ ունենալու: Ողջունելով Դաշնակցության նախաձեռնությունը` ֆորումին մաղթում եմ արդյունավետ աշխատանք»,- այսօր Արցախի մայրաքաղաք Ստեփանակերտում մեկնարկած «Հայաստան-Արցախ ռազմավարական դաշինք» ֆորումի ժամանակ իր ողջույնի խոսքում ասաց ԱՀ Ազգային ժողովի նախագահ Աշոտ Ղուլյանը:
Ֆորումը, ինչպես տեղեկացրել ենք, տեղի է ունենում Արցախի խորհրդարանում: Այն կազմակերպել է ՀՅԴ-ն:
«Դժվար է պատկերացնել Արցախն առանց Մայր Հայաստանի ու Հայաստանն` առանց Արցախի»,- ասաց Աշոտ Ղուլյանը`առավել քան կարեւորելով նաեւ Սփյուռքի հետ շփումները, համագործակցությունը: «Հայրենիքից դուրս ապրող մեր եղբայրներն ու քույրերը ներշնչում են մեզ` մեր նպատակներին հասնելու համար»,- ասաց նա:
Աշոտ Ղուլյանը կարեւորեց Արցախի եւ Հայաստանի օրենսդիր մարմինների համագործակցությունը:
Կարդացեք նաև
Այլ մանրամասները`քիչ ուշ`տեսանյութում
Նելլի ԳՐԻԳՈՐՅԱՆ
