ԲՀԿ առաջնորդ Գագիկ Ծառուկյանն այսօր ԱԺ-ում անդրադարձավ ձեռնարկատիրական գործունեությամբ զբաղվելու մասին իրեն հասցեագրված քննադատություններին:
Մեր հարցին՝ ձեր դեմ ինչ-որ բա՞ն ունեն՝ նա պատասխանեց. «Ես չեմ ուզում հավատամ, որ ունեն, չեմ հավատում եւ չեմ ուզում հավատամ: Ես ուզում եմ լավ բան անեմ իմ երկրի համար: Ցանկացած ոլորտ, որտեղ Ծառուկյանի ձեռը կպել է, զարգացել ու ծաղկել է: Այսօր Ծառուկյանի վստահությունը, հավատքը, ամբողջ աշխարհում շատ մեծ է, հավատում են, վստահում են, ուզում են քայլեր կատարել»: Նա պատմեց, որ իր ընկերը Երեւանի կենտրոնում ուզում է հյուրանոց կառուցել, բայց այնքան քաշքշուկների մեջ են գցել, հրաժարվել է այդ մտքից: Նրա խոսքով՝ «Թագաժառանգն ուզում է հյուրանոց կառուցի, սիլիցիումի գործարան կառուցենք, հազարավոր աշխատատեղ է լինելու, 20 տոկոսը գումարի փոխանցել ենք: Այսօր Երեւանի կենտրոնը, որ Աստաֆյան շենքը վերցրել ենք, 400 քմ հողի համար 8,5 մլն դոլար ենք տվել, որ Երեւանում գեղեցիկ լինի: Էսօր 10 ամիս է, ինչ-որ պատճառով ձգվում է, որ մարդը արդեն հրաժարվել է, ասում է՝ ես չեմ ուզում էլ կառուցեմ, շատ շնորհակալ եմ: Հիմա դատավարության մեջ է, ինչ-որ հարեւանը ուզում էիր շենքը մեր վրա թանկ վաճառի, մենք չենք ուզում…»:
Մեր հարցին՝ ձեզ այսօր հետապնդո՞ւմ են, քաղաքական հետապնդում ձեր նկատմամբ կա՞, դուք ո՞նց եք զգում՝ Ծառուկյանը պատասխանեց. «Ես այսօր չեմ ուզում այսպիսի բան մտածեմ եւ պատկերացնեմ: Բայց նախանձողներ, չար մարդիկ, ով չի կարում անի, հայերի մոտ ո՞նց ա՝ ինքը ինչքան վատ է, հարեւանը պետք է ավելի վատ լինի: Եթե հարեւանը լավ ապրի, ինքը դա չի ընդունի»:
Գագիկ Ծառուկյանը հայերի մասին անեկդոտ պատմեց. «Հայը ոսկե ձկնիկ է բռնում, ձկնիկն ասում ա՝ ինչ ուզես կանեմ, ինձ բաց թող: Մենակ քեզ ինչ տամ, հարեւանիդ կրկնակի եմ տալու՝ մեքենաներ, տներ, ոսկի, ինչ ուզես՝ կրկնակի եմ տալու: Մտածում, մտածում է, ի՞նչ ասի, ասում է՝ մի աչքս հանի»:
Կարդացեք նաև
Հռիփսիմե ՋԵԲԵՋՅԱՆ
