Վարչապետ Նիկոլ Փաշինյանը մայիսի 6-ին ստորագրել է որոշում. «Ղեկավարվելով «Քաղաքացիական ծառայության մասին» Հայաստանի Հանրապետության օրենքի 16-րդ հոդվածի 1-ին մասով և 37-րդ հոդվածի 1-ին մասի 1-ին կետով՝ Արտակ Գրիգորյանին ազատել աշխատանքի և սոցիալական հարցերի նախարարության գլխավոր քարտուղարի պաշտոնից»:
Հիշեցնենք, որ ավելի վաղ «168 ժամ»-ը հաղորդել էր, որ Արտակ Գրիգորյանը հրաժարական է տվել «պետական կառավարման համակարգում քրոնիկ դարձած «հներ ու նորեր» կամ «սևեր ու սպիտակներ» անհաշտ պայքարի ենթատեքստում: Մասնավորապես այս պաշտոնյայի դեպքում, հրաժարականի հիմնական պատճառներից մեկը նրա ՀՀԿ-ական ծագումն են համարում»:
2009 թվականից համակարգ եկած Արտակ Գրիգորյանը նախարար Զարուհի Բաթոյանի հետ, ըստ լրատվամիջոցի՝ լարված հարաբերություններ չի ունեցել, սակայն եղել է նախարարությունում մեկուսացված վիճակում: Զարուհի Բաթոյանն էլ, «հեղափոխական մյուս պաշտոնյաների պես, վարակվել է հների նկատմամբ չպատճառաբանված անվստահությամբ»:
Հիշեցնենք, որ Արտակ Գրիգորյանը ԱԺ նախկին պատգամավոր է, ՀՀԿ խորհրդի անդամ:
Կարդացեք նաև
