Քաղաքապետ Մարությանի կողմից Երևանի քաղաքապետարանի աշխատակազմի աշխատավարձերի բարձրացման նախաձեռնությունը շատ կարևոր ու ճշգրիտ քայլ է։ Հուսով եմ, որոշ ժամանակ անց այն ավելի կհամապատասխանեցվի մարդկանց իրենց աշխատանքին համապատասխան վարձատրվելու կարիքին։
Քայլը ոչ միայն հակակոռուպցիոն համատեքստ ունի, այլև քաղաքապետարանում աշխատանքը կդարձնի հրապուրիչ մասնագետների համար, մարդկանց աշխատանքը մոտիվացված։
Տեղական իշխանությունները պետք է լինեն ավելի դինամիկ, մրցունակ պետական մարմինների ու մասնավոր հատվածի նկատմամբ՝ մեծացնելով տեղական ինքնակառավարման արդյունավետությունն ու հեղինակությունը հանրության շրջանում։
Մեր համայնքապետերի գերակշիռ մասը կոմպլեքսավորվում է կառավարության կամ քննադատողների կարծիքից՝ իրենց աշխատավարձերը սահմանելով ցածր, որի արդյունքում հաջորդաբար ցածր աշխատավարձեր են սահմանվում նաև աշխատակազմի համար։
Կարդացեք նաև
Տեղական իշխանություններն առաջին հերթին վարչական մարմիններ են, և ոչ մի արտառոց բան չկա, երբ համայնքի բյուջեի զգալի մասը վարչական ծախսերին է ուղղված։
Կեցցե Մարությանը, ով կարծրատիպեր է կոտրում։
Էմին ԵՐԻՑՅԱՆ
ՀԱՅԱՍՏԱՆԻ ՀԱՄԱՅՆՔՆԵՐԻ ՄԻՈՒԹՅԱՆ ՆԱԽԱԳԱՀ
