Արարատի մարզում շարունակվում են Վեդու ջրամբարի կառուցման աշխատանքները: Ջրամբարի գործարկումը մասնակի կապահովի մարզի ոռոգման ջրի պահանջարկը: Այս մասին այսօր «Իմ քայլը հանուն Արարատի մարզի» ներդրումային համաժողովում հայտարարեց Արարատի մարզպետ Գարիկ Սարգսյանը:
Նա նաեւ տեղեկացրեց, որ մարզում նորոգվում են ոռոգման ջրագծերը: Ըստ մարզպետի՝ Արարատն ունի նաեւ զբոսաշրջությունը զարգացնելու հնարավորություն. «Այս տարի Խոր Վիրապի հարեւանությամբ նախատեսում ենք կառուցել գյուղատնտեսական-զբոսաշրջային կենտրոն»:
Գարիկ Սարգսյանը վստահեցրեց, որ Արարատի մարզում ներդրումներ անել պատրաստվողներին անհատական մոտեցում կցուցաբերեն: Մարզպետը նաեւ հայտարարեց, որ շուտով բացվելու է «Անի տեքստիլ» գործարանը:
Կարդացեք նաև
Լուիզա ՍՈՒՔԻԱՍՅԱՆ
