ԼՂՀ ՊԲ նախկին հրամանատար Սամվել Բաբայանը պատրաստվում է ստորագրահավաք նախաձեռնել Արցախում, որպեսզի սահմանադրական փոփոխությունների միջոցով հաստատվի ՀՀ քաղաքացի հանդիսացող անձի` 2020թ.-ին Արցախի նախագահական ընտրություններում մասնակցելու հնարավորությունը։
Հիշեցնենք, որ Սամվել Բաբայանը չի կարող առաջադրվել, քանի որ վերջինս 10 տարում մշտապես չի բնակվել Արցախում։
Բաբայանը շեշտեց, որ նախկինում հայաստանաբնակ մի քանի քաղաքական գործիչներ Արցախում առաջադրվել են որպես պատգամավորի թեկնածու, մինչդեռ ինքը չի կարող, հետեւաբար, քաղաքական պատճառներ կան։
Լրագրողները հետաքրքրվեցին, թե ըստ Սամվել Բաբայանի` Արցախում իշխանության հանդեպ վախի մթնոլորտ կա, թե ոչ։ Բաբայանը պատասխանեց. «Եթե ասում են` «քայլ չանես, այլապես գործից կհանենք», ուրեմն կա, մարդը վախենում է աշխատանք կորցնել։ Ունեմ փաստեր։ Բայց ես չեմ գտնում, թե դա ազդում է իմ գործունեության վրա»:
Կարդացեք նաև
https://www.facebook.com/aravot.am/videos/605440473309259/
Լուիզա ՍՈՒՔԻԱՍՅԱՆ
