Արդյոք կավելանա՞ն 2020 թվականի հունվարի 1-ից 3-րդ երկրներից ավտոմեքենաների ներկրման մաքսատուրքերը. տնտեսական զարգացման եւ ներդրումների նախարար Տիգրան Խաչատրյանն ասում է՝ հարցը քննարկման փուլում է, դեռ որոշում չկա: Այս մասին այսօր նախարարն ասաց լրագրողների հետ հանդիպման ժամանակ:
Նախարարը հույս հայտնեց, որ կա հնարավորություն. «Հասկանալի է, որ ի սկզբանե մեզ տրված է եղել անցումային ժամանակաշրջան: Այսինքն` դա բանակցությունների համաձայնեցում է, որի մի կողմը մենք ենք: Հիմա խոսքը վերաբերում է վերաբանակցելուն: Եթե դա վերաբերեր Հայաստանի ներքին շուկային, ավելի կանխատեսելի կլիներ խնդրի ելքը, բայց դուք գիտեք, որ Հայաստանում մաքսազերծման գումարներն ավելի ցածր են, քան ԵԱՏՄ այլ երկրներում, դա պատճառ է դարձել, որ մեքենաները մաքսազերծվեն այստեղ, վաճառվեն այնտեղ»:
Տիգրան Խաչատրյանի խոսքերով՝ դժվար ելք է լինելու, բայց փորձում են գտնել հնարավորություն, որպեսզի ՀՀ քաղաքացու շահերի տեսանկյունից ճիշտ լուծումներ գտնվեն»:
Մանրամասն՝ տեսանյութում
Նելլի ԲԱԲԱՅԱՆ
