«Մենք կարծում ենք՝ ներդրումները դեռ այն մակարդակին չեն, որքան մենք կուզեինք, եւ դա մեզ մտահոգում է: Մենք ամեն ինչ անում ենք, որ դրանք ավելանան»,-այսօր այս մասին լրագրողների հետ հանդիպման ժամանակ ասաց տնտեսական զարգացման եւ ներդրումների նախարար Տիգրան Խաչատրյանը:
Նա հիշեցրեց, որ կառավարության ծրագրում նախատեսված է առաջիկա 5 տարիներին հասնել ՀՆԱ 23 տոկոսը գերազանցող ներդրումների: Իսկ 2018-ին այդ ցուցանիշը 17%-ի սահմաններում է:
«Այսինքն` ունենք շատ բարդ ճանապարհ, երբ մենք խոսում ենք ներդրումների մասին, ապա որքան դա կախված է օտարերկրյա ներդրումների համար բարենպաստ միջավայր ստեղծելուց, նույնքան էլ կախված է մեր վարքագծից: Մենք, որպես հասարակության անդամներ, որքանո՞վ ենք պատրաստ խնայողություններ ստեղծել եւ դրանք ուղղել ներդրումների»,-ասաց նախարարը: Նա խոստացավ՝ պետք է աշխատեն բոլոր ուղղություններով, որպեսզի արդեն 4,5 տարի հետո հասնեն նշված ցուցանիշին:
Մանրամասն՝ տեսանյութում
Կարդացեք նաև
Նելլի ԲԱԲԱՅԱՆ
