Գագիկ Ծառուկյանը երեկ հայտարարել էր, որ իր մանդատի սահմանադրականության առնչությամբ հարցադրումների «տակը բան չկա», այսինքն՝ մեղադրանքները կամ կասկածներն անհիմն են: Սակայն իշխանության արձագանքի շարունակությունը վկայում է, որ կառավարող ուժը այդ հարցում տրամադրված է բավականին լուրջ: Համենայնդեպս, ԱԺ նախագահի գրությունը պարտավորեցնող է ոչ միայն Գագիկ Ծառուկյանի համար, այլ հենց ԱԺ նախագահի և կառավարող ուժի: Հատկապես, որ Արարատ Միրզոյանը բավականին թափանցիկ ակնարկել է, որ նոր իրավիճակում չի կարող աշխատել, այսպես ասած, «թղթով ամեն ինչ կարգին» լինելու հանգամանքը, և Գագիկ Ծառուկյանից ենթադրաբար պահանջվելու են շատ ավելի ազդեցիկ ապացույցներ, որ չի զբաղվում ձեռնարկատիրությամբ:
Իսկ հաշվի առնելով այն իրողությունները, որոնք ոչ միայն երեկ և այսօր, այլ ըստ էության տարիներ շարունակ՝ առնվազն ԲՀԿ գործունեության տասնամյակում են դրսևորվել հանրության առաջ, Գագիկ Ծառուկյանի ապացուցելու հավանականությունը թերևս մոտ է զրոյին, իսկ հակառակ դեպքում նոր իշխանությունը կունենա հանրությանն ապացուցելու բաներ՝ այդ հարցում նախորդ իշխանությունից տարբերվելու առումով: Ի վերջո, բիզնեսի և քաղաքականության տարանջատումը նոր Հայաստանի կերտման համար ֆունդամենտալ խնդիր է, և դա ամենևին Գագիկ Ծառուկյանի հարցը չէ, սակայն միևնույն ժամանակ, ԲՀԿ նախագահի առաջ էլ խնդիրն այն է, որ հարցը չդառնա հենց ինքը: Այդ իմաստով, Ծառուկյանը կանգնած է պատմական ճամփաբաժանի և ընտրության առաջ:
Հոդվածն ամբողջությամբ՝ «Ժամանակ» օրաթերթի այսօրվա համարում:
