«Մի շարք վարչական իրավախախտումների եւ պետական տուրքի համար կիրառված տույժերի համաներման մասին» ՀՀ օրենքի նախագիծն այսօր ընդունվեց ԱԺ տնտեսական հարցերի մշտական հանձնաժողում:
Այս նախագծով նախատեսվում է, այսպես ասած՝ ֆինանսական համաներում մի շարք վարչական տուգանքների եւ պետական տուրքի գծով տույժերի դեպքում:
Ըստ տրանսպորտի, կապի եւ տեղեկատվական տեխնոլոգիաների փոխնախարար Արմեն Արզումանյանի, ընդհանուր օգտագործման պետական ավտոմոբիլային ճանապարհներով թույլատրելի զանգվածը գերազանցող տրանսպորտային միջոցների երթեւեկության դեպքում մինչեւ անցյալ տարվա օգոստոսի 31-ը վարչական իրավախախտում թույլ տված անձանց ազատում են տույժ-տուգանքներից: Այս նախագծով համաներում նախատեսվում նաեւ մինչեւ 2019 թվականի հունվարի 1-ն առանց համապատասխան լիցենզիայի տաքսի ուղեւորափոխադրումներ իրականացնող այն անձանց համար, որոնք պետական տուրքը չեն վճարել:
Համաներման ընդհանուր գումարն, փոխնախարարի, կազմում է 681 միլիոն 555 հազար 648 դրամ:
Կարդացեք նաև
Նելլի ԲԱԲԱՅԱՆ
