«ՀՀ-Ադրբեջան սահմանի Ղազախի հատվածում, ինչպես հայտնի է, նախորդ տարվանից Ադրբեջանի բանակի փոխարեն հսկողություն են իրականացնում Ադրբեջանի սահմանային պահպանության զորքերը, որոնք բաղկացած են մոտ 15.000 անձից: Ծառայությունը զինված է ոչ այնպես, ինչպես Ադրբեջանի բանակը, բայց զինված է բավականաչափ: Այդ հատվածում փորձում են նորացնել ճանապարհներն ու ամրացնել խրամատները»,-«Պոստ սկրիպտում» մամուլի ակումբում լրագրողների հետ հանդիպմանն այսօր անդրադառնալով Տավուշի սահմանին հայ զինծառայողի վիրավորման դեպքին, ասաց Ադրբեջանի հարցերով փորձագետ Տարոն Հովհաննիսյանը:
Մատնանշելով, թե այդ հատվածքում լարվածությունն ինչ նախադրյալներ ունի, Տարոն Հովհաննիսյանը շեշտեց. «Երբ հակառակորդը փորձում է դիրքերն ամրացնել, բնականաբար, հայկական կողմը չի կարող դա թույլատրել: Ադրբեջանը, սակայն, մոտենում է առաջնագծին, եւ իրավիճակը լարվում է: Այսինքն, սադրանքը սկսում է Ադրբեջանի կողմից, երբ փորձում են դիրքային առաջխաղացում անել, ամրապնդել դիրքերը: Այս պարագայում էլ Ադրբեջանը դիմեց սադրանքի: Փորձում են լարվածության նոր օջախներ ստեղծել, ինչի արդյունքում չի բացառվում, որ ապագայում էլ նման միջադեպեր կլինեն»:
Ըստ փորձագետի՝ չի բացառվում նաեւ, որ ադրբեջանական բանակում եւս զինվորների վիրավորման եւ մահվան դեպքեր գրանցվեն. «Որքան էլ խոսենք խաղաղության մասին, Ադրբեջանի գործողություններում տրամաբանություն չի փոխվել»:
https://www.facebook.com/aravot.am/videos/603338676847263/
Կարդացեք նաև
Լուիզա ՍՈՒՔԻԱՍՅԱՆ
