«Շատ մարդիկ կան, որոնք ոչ մասնագիտություն ունեն, ոչ բան, բայց ստեղծում են իրենց համար տիրույթներ: Զբաղվելու գործ չունեն եւ Գագիկ Ծառուկյանի մասին են ուզում խոսել: Եթե որեւէ մեկը կարող է հզորություն ունենալ Գագիկ Ծառուկյանի հետ համեմատվելու, ամոթից կարող է տեղնուտեղը «զոհվել»,-«Հայելի» մամուլի ակումբում այսօր լրագրողների հետ հանդիպմանը հայտարարեց ԱԺ նախկին պատգամավոր, տնտեսագետ Վարդան Բոստանջյանը: Հիշեցնենք՝ «Քաղաքացու որոշում» սոցիալ-դեմոկրատական կուսակցությունը դիմում է ներկայացրել ԱԺ նախագահ Արարատ Միրզոյանին և ՀՀ Գլխավոր դատախազ Արթուր Դավթյանին՝ ապրիլի 19-ին «Պետական տուրքի մասին ՀՀ օրենքում լրացումներ կատարելու մասին» օրենքի նախագծի քննարկման ժամանակ ԱԺ նիստերի դահլիճում և դրանից դուրս լրագրողների հետ շփումներում հնչեցրած հայտարարությունների հետ կապված քրեական հետապնդում հարուցելու և Գագիկ Ծառուկյանին պատգամավորական մանդատից զրկելու գործընթաց սկսելու հարցով՝ հաշվի առնելով պատգամավորի ձեռնարկատիրական գործունեությամբ զբաղվելու արգելքը։
Վարդան Բոստանջյանն անդրադարձավ ցեմենտի շուկայի խնդիրներին, որոնք առնչվում են նաեւ Ծառուկյանին պատկանող «Մուլտի գրուպ կոնցեռն»-ի կազմում գտնվող «Արարատ ցեմենտ» գործարանին. «Պետք է ամրագրել, որ հանգամանքների բերումով ՀՀ-ում ցեմենտի գործարաններ կան, որոնք խոշոր ձեռնարկություններ են: Դրանք ոչ միայն խոշոր արտադրող են, այլեւ տեխնիկապես հագեցած տնտեսվարողներ: Եթե դրանք որոշակի շտկումների կարիք ունեն, դրանով զբաղվեք, բայց չի կարելի հայրենական արտադրողին վտանգել: Օրինակ՝ «Սպայկայի» պարագայում արդյո՞ք ՀՀ-ում սեփականության վերաբաշխում տեղի չի ունենում: Դա վտանգավոր է»:
Այլ մանրամասները՝ տեսանյութում
https://www.facebook.com/aravot.am/videos/2172801592975146/
Կարդացեք նաև
Լուիզա ՍՈՒՔԻԱՍՅԱՆ
