«Իրանի հետ իրավիճակը բարդ է նրանով, որ մեր բանակցությունների (վավերացման փուլում գտնվող ԵՏՄ-Իրան ազատ առեւտրի համաձայնագիր.-խմբ.) վարման ժամանակ պատժամիջոցների նոր փաթեթն առկա չէր»,-Երեւանում այսօր կայացած Եվրասիական միջկառավարական խորհրդի նիստի ավարտին անդրադառնալով Իրանի դեմ ամերիկյան պատժամիջոցների հնարավոր հետեւանքներին, ասաց Եվրասիական տնտեսական հանձնաժողովի կոլեգիայի նախագահ, ՀՀ նախկին վարչապետ Տիգրան Սարգսյանը:
Նա արձանագրեց, որ պատժամիջոցները բացասաբար են անդրադառնում ՀՀ-ի հարեւան Իրանի ֆինանսական եւ տնտեսական գործարքների իրականացման վրա:
«Միաժամանակ, պատժամիջոցները լրացուցիչ հնարավորություններ են ստեղծում առաջնահերթ Հայաստանի համար, որովհետեւ Հայաստանը կարող է օգտվել իր աշխարհագրական դիրքից եւ Իրանին առաջարկել այնպիսի գործիքակազմ, որը կնպաստի ՀՀ-Իրան առեւտրաշրջանառության ծավալի մեծացմանը»,-համոզմունք հայտնեց Տիգրան Սարգսյանը: Նրա խոսքով՝ այս կերպ ՀՀ-ն կհավակնի կամրջի դեր կատարել Իրանի եւ ԵՏՄ երկրների միջեւ. «Կարծում եմ՝ պետք է օգտվել այս փաստից»:
Այլ մանրամասները՝ տեսանյութում
Կարդացեք նաև
https://www.facebook.com/aravot.am/videos/597710313971184/
Լուիզա ՍՈՒՔԻԱՍՅԱՆ
