«Դավիթ Սանասարյանի հետ խոսել եմ, ինչպես նաև՝ նրա փաստաբանի: Գիտեմ, որ նրանք պատրաստվում են ինձ բողոք ներկայացնել: Երբ կներկայացնեն իր գործի առնչությամբ բողոքը, կդիտարկեմ այն: Դրանից հետո միայն կարծիք կհայտնեմ»,-լրագրողների հետ զրույցում այսօր հայտարարեց ՀՀ Մարդու իրավունքների պաշտպան Արման Թաթոյանը:
Նկատառմանն ի պատասխան, թե ԱԱԾ պետն իրավունք ունի՞ նախաքննության փուլում համոզմունք հայտնել, որ Սանասարյանի գործն ուղարկվելու է դատարան, Արման Թաթոյանն ասաց, որ գնահատական չի հնչեցնի, մինչեւ բողոքը չուսումնասիրի. «Այսպես թե այնպես, ես ինչ-որ գործընթաց եմ սկսելու, բայց պայմանավորվել ենք՝ պետք է բողոքը ներկայացվի, որպեսզի ես արձանագրեմ, թե իրենց պահանջը որն է: Դրանից հետո միայն կնախանշվեն իմ գործողությունները»:
Հիշեցնենք, որ Պետական վերահսկողական ծառայության ղեկավարի լիազորությունները կասեցրած Դավիթ Սանասարյանը «Հեմոդիալիզի գործով» մեղադրվում է պաշտոնեական դիրքի չարաշահմամբ պետական գնումների գործընթացին ապօրինի միջամտելու եւ օրինական ձեռնարկատիրական գործունեության համար խոչընդոտներ ստեղծելու համար:
https://www.facebook.com/aravot.am/videos/586292825198228/
Կարդացեք նաև
Լուիզա ՍՈՒՔԻԱՍՅԱՆ
