ՀՀ մարդու իրավունքների պաշտպանը Միհրան Պողոսյանից որեւէ դիմում չի ստացել, ուստի չի հետաքրքրվել ՌԴ-ում նրա պահման պայմանների կամ այլ խնդիրների մասին:
Լրագրողների հետ ճեպազրույցում այսօր ՄԻՊ Արման Թաթոյանը նշեց, որ Միհրան Պողոսյանի կողմից որեւէ մտահոգության մասին տեղեկություններ չունի. «Կզբաղվեինք, եթե դիմում լիներ նրա կամ փաստաբանի կողմից»:
Հիշեցնենք, որ ՀՀ ԴԱՀԿ ծառայության նախկին պետ, ԱԺ ՀՀԿ-ական նախկին պատգամավոր Միհրան Պողոսյանը, որն օրերս կալանավորվել է ՌԴ-ում, հայտնի «օֆշորի գործով» մեղադրվում է առանձնապես խոշոր չափի գույքի յուրացում կամ վատնում կատարելու եւ պաշտոնեական լիազորությունները չարաշահելու համար:
Ինչ վերաբերում է փաստին, որ Միհրան Պողոսյանը ՌԴ իշխանությունից քաղաքական ապաստան է խնդրել, Արման Թաթոյանը հրաժարվեց գնահատական հնչեցնել՝ քաղաքական հետապնդման տարրեր առկա՞ են, թե ոչ: Ըստ Արման Թաթոյանի՝ այդ հարցը ՄԻՊ լիազորությունների տիրույթում չէ. «Նա կալանավորված է՝ ՀՀ-ին արտահանձնվելու գործընթացի համար: Դա օրենքով նախատեսված ընթացակարգ է: Իսկ թե Ռուսաստանում ինչ որոշում կկայացնեն քաղաքական ապաստան տրամադրելու առնչությամբ, դա այլ ընթացակարգով է սահմանվում»:
Կարդացեք նաև
Լուիզա ՍՈՒՔԻԱՍՅԱՆ
