«Լուսավոր Հայաստան» խմբակցության պատգամավոր Հարություն Բաբայանը ապրիլի 23-ին ժամը 16:00-ի սահմաններում հեռախոսազրույց է ունեցել «Ամբերդ» ջոկատի անդամ Հովիկ Ավետիսյանի հետ, որի ժամանակ Ավետիսյանը արտահայտել է իր մտահոգությունը գերկարևոր մշակութային խնդրի վերաբերյալ:
Հեռախոսազանգից հետո Բաբայանը խնդրին մանրամասն ծանոթանալու նպատակով Հովիկ Ավետիսյանին հրավիրել է ԱԺ:
Հովիկ Ավետիսյանի փոխանցմամբ` ինչ-որ սուբյեկտ սեփականաշնորհել է «Ամբերդ ամրոց» պատմամշակույթային արգելոցի պահպանման գոտին և իրականացնում է շինարարական աշխատանքներ:
«Ամբերդ» ջոկատի անդամները՝ Հովիկ Ավետիսյանը և իր ընկերները, արգելանոցում հայտնաբերել են ՀՀ մշակույթի նախարարության կողմից չուսումնասիրված գերեզմանոց, որը իրենից ներկայացնում է պատմական արժեք:
Կարդացեք նաև
Այս խնդրի հետ կապված Հարություն Բաբայանը խոսել է Արագածոտնի մարզպետի հետ, ով նշել է, որ ինքը խնդրին դեռևս ամբողջապես ծանոթ չէ և խոստացել է մանրամասներին ծանոթանալուց հետո կապվել Բաբայանի հետ, սակայն մինչ օրս չի զանգահարել:
Ունենալով դեպքի վայրի նկարները և տեսնելով գերեզմաններից դուրս բերված ոսկորները՝ պատգամավորը կապ է հաստատել ՀՀ մշակույթի փոխնախարար Տիգրան Գալստյանի հետ:
Բաբայանը պարոն Գալստյանի հետ ունեցել է խոսակցություն, որի ժամանակ էլ վերջինիս խորհուրդ է տվել անձամբ այցելել դեպքի վայր:
Փոխնախարար Գալստյանը նշել է, որ տվյալ տարածքը չունի պատմական գերեզմանի համար հատկացվող անձնագիր: Բաբայանը փոխնախարարին առաջարկել է կրկին այցելել և դիտարկել տարածքը, քանի որ հնարավոր է, որ տարածքն իսկապես պատմական արժեք ներկայացնող մասունքներ պարունակի:
Ապրիլի 26-ին Հովիկ Ավետիսյանը, լրագրողների և փոխնախարար Գալստյանի հետ այցելել է «Ամբերդ ամրոց», որի ընթացքում բարձրացված աղմուկի պատճառով շինարարական աշխատանքները ժամանակավորապես կասեցվել են, սակայն հաջորդ օրը կրկին վերսկսվել:
Խնդրի վերաբերյալ մանրամասն տեղեկություններ ստանալու համար կարող եք կապվել պատգամավոր Հարություն Բաբայանի հետ տվյալ հեռախոսահամարով` +37494383175:
«ԼՈՒՍԱՎՈՐ ՀԱՅԱՍՏԱՆ» ԿՈՒՍԱԿՑՈՒԹՅՈՒՆ
