Երեկ երեկոյան մի շարք լրատվամիջոցներ տեղեկություն էին տարածել, որ ՀՀ գլխավոր դատախազի խորհրդական Գոռ Աբրահամյանը տեղեկացրել է, որ ՌԴ դատարանը բավարարել է Միհրան Պողոսյանին արտահանձնելու միջնորդությունը։
Մեջբերվում էր Գոռ Աբրահամյանի՝ ապրիլի 23-ին կատարած ֆեյսբուքյան հրապարակումը, որտեղ մասնավորապես նշվում է․ «Հարկ եմ համարում տեղեկացնել, որ ՀՀ և ՌԴ դատախազությունների համագործակցության արդյունքում այսօր ՌԴ դատարանի կողմից բավարարվել է ՌԴ դատախազության միջնորդությունը՝ 40 օրով կալանավորելու Միհրան Պողոսյանին՝ ՀՀ-ին հանձնելու հարցը քննարկելու նպատակով»։
Ավելի ուշ Գոռ Աբրահամյանն, անդրադառնալով այդ տեղեկատվությանը, գրել է․
Հարգելի լրատվամիջոցներ, խնդրում եմ ուշադիր ընթերցել ապրիլի 23-ի իմ ստատուսը և հղում կատարելու դեպքում մեջբերում անել բառացի։ Այնտեղ խոսվում է էքստրադիցիայի հարցը քննարկելու նպատակով ՌԴ դատարանի կողմից Միհրան Պողոսյանին 40 օրով կալանքի տակ վերցնելու միջնորդությունը բավարարելու մասին։ Այս խնդրի առնչությամբ դրանից հետո որևէ այլ տեղեկատվություն իմ կողմից չի տրվել։
Կարդացեք նաև
Գոռ ԱԲՐԱՀԱՄՅԱՆ
ՀՀ ԳԼԽԱՎՈՐ ԴԱՏԱԽԱԶԻ ԽՈՐՀՐԴԱԿԱՆ
https://www.facebook.com/permalink.php?story_fbid=366012610700256&id=100018745601811
