«Այդ գործի մասին բոլորը խոսել են, այդ թվում՝ Դավիթ Սանասարյանը, գործադիր եւ օրենսդիր մարմինների ղեկավարները: Միակ մարմինը, որ այդ գործի մասին չի խոսել, դատարանն է»,-լրագրողների հետ ճեպազրույցում այսօր անդրադառնալով Պետական վերահսկողական ծառայության ղեկավարի լիազորությունները դադարեցրած Դավիթ Սանասարյանի հանդեպ մեղադրանքի առաջադրմանը, ասաց ՀՀ Անվտանգության խորհրդի քարտուղար Արմեն Գրիգորյանը:
Նա զերծ մնաց Դավիթ Սանասարյանի մասին մեկնաբանություններից եւ խորհուրդ տվեց սպասել դատական համակարգի գնահատականին. «Վերջին խոսքն այդ մարմնինն է»: Հիշեցնենք, որ Դավիթ Սանասարյանը «Հեմոդիալիզի գործով» մեղադրվում է պաշտոնեական դիրքի չարաշահմամբ պետական գնումների գործընթացին ապօրինի միջամտելու եւ օրինական ձեռնարկատիրական գործունեության համար խոչընդոտներ ստեղծելու համար:
https://www.facebook.com/aravot.am/videos/2430461943633720/
Կարդացեք նաև
Լուիզա ՍՈՒՔԻԱՍՅԱՆ
