Նախորդ տարի վերաբացվել է 2010 թվականին մահացած՝ հետախուզական դասակի զինծառայող Արթուր Ղազարյանի գործը:
Փաստաբան Արայիկ Պապիկյանի խոսքով հեղափոխությունից հետո սա եզակի գործերից է, որ վերաբացվում է, սակայն գործը վերաբացելով պարզ է դարձել, որ յուրաքանչյուր էջում թաքնված է կեղծիք և կոծկում:
Նրա կարծիքով գործը քննվել է արտառոց իրավիճակում: Արթուրի մահից միայն 2 ամիս հետո է հարուցվել քրեական գործ: Իսկ դատաբժշկական փորձաքննությանը ներգրավված են եղել այն բժիշկները , որոնք հոսպիտալում 4 օր վիրահատել և բուժումներ են իրականացրել: «Այսինքն` շահագրգիռ անձիք են եղել և ներկայացրել են այնպես, ինչպես նպատակահարմար է եղել, որոշակի պաշտոնատար անձանց. կարծում է փաստաբանը:
«Ներկայացրել ենք հաղորդում հանցագործության մասին, այստեղ ևս այսօրվա իրավապահները փորձում են աճպարարությամբ զբաղվել: Տպավորություն է, որ մեկ-երկու պաշտոնյան փոխվել է, սակայն մնացածը աշխատում են նույն տրամաբանությամբ, ինչ կար 2010-11 թվականներին»,-շարունակում է նա։
Կարդացեք նաև
Մայրը նշում է, որ վերջերս դիմել է դատախազ Արթուր Դավթյանին՝ պարզելու ինչ քննություն է իրականացվում, սակայն վերջինս ասել է, որ. «Դուք այնպիսի բան եք պահանջում, որ բոլոր հետքերը և ապացույցները արդեն կորել են»:
ՀՔԱ Վանաձորի գրասենյակի ղեկավար Արթուր Սաքունցը հետաքրքրվում է. «Կա՞ արդյոք հրաման արխիվները պատշաճ պաշտպանության տակ առնելու մասին, եթե նման մոտեցում չկա, ապա կասկածի տակ է դրվում շատ հանցագործությունների բացահայտման հնարավորությունները: Պետք է հասկանալ անցյալին գնահատական տալու համար, կարևոր հիմքը արխիվներն են»:
Մանրամասներին կարող եք ծանոթանալ «Ա1+»-ի կայքում:
