Դեռ հստակ չէ`2019-ին գազի սակագինը կբարձրանա՞, թե՞ ոչ: Այս մասին այսօր խորհրդարանում լրագրողների հետ զրույցում ասաց Հանրային ծառայությունները կարգավորող հանձնաժողովի նորընտիր նախագահ Գարեգին Բաղրամյանը: Նա ասաց, որ քննարկումներն ընթանում են այն ուղղությամբ, որ 2019-ին պահպանում ենք գազի գինը, հետագայում քննարկվում է սակագնի ձեւավորման մոդելային տարբերակը`4-5 տարիների կտրվածքով:
Հիշեցնենք, որ հունվարի 1-ից ռուսական կողմը բարձրացրել էր Հայաստան մատակարարվող գազի գինը՝ 150 ԱՄՆ դոլարից դարձնելով 165 ԱՄՆ դոլար, սակայն ՀՀ կառավարությունը հայտարարել էր, որ սպառողները դրա դիմաց կվճարեն նախկին գնով։
Քննարկումների թեմա է նաեւ, որ սահմանին 15 դոլարի թանկացումը կփոխհատուցվի «Գազպրոմ Արմենիայի» շահույթից: Գարեգին Բաղրամյանն ասաց, որ ռուսական «Գազպրոմը» խումբ է ձեւավորելու, որը կժամանի Հայաստան. քննարկումների ավարտից հետո միայն հնարավոր կլինի խոսել ամենի մասին: Քննարկումները ե՞րբ կավարտվեն, առհասարակ, այդ խումբը ե՞րբ կժամանի Հայաստան, Գարեգին Բաղրամյանը չգիտի:
Միայն գիտի, որ «Գազպրոմ Արմենիայում» սպասվող 500-1000 աշխատողի կրճատումներ, սպասարկող ավտոմեքենաների կրճատում եւ այլ ծախսերի օպտիմալացումները հնարավոր է, որ բերեն փոփոխությունների:
Կարդացեք նաև
Նելլի ԳՐԻԳՈՐՅԱՆ
