Այսօր պաշտպանության նախարար Դավիթ Տոնոյանը, խոսելով Միհրան Պողոսյանի մասին, ասաց, որ եթե զինված ուժերի գեներալը նման բան աներ՝ քաղաքական ապաստան խնդրեր օտար երկրից, դա կորակեր դավաճանություն:
Aravot.am-ը նախարարին հարցրեց՝ իսկ Միքայել Հարությունյանի հետ կապված ի՞նչ կասեք, նրա արածը ո՞նց եք գնահատում: Նախարարը պատասխանեց, որ երբ երկքաղաքացի են լինում, սահմանափակված չէ օրենսդրությամբ. «Երկրորդ քաղաքացիություն ունենալը սահմանված է օրենքով: Դուք ինձ տանում եք բարոյական դաշտ, ես ունեմ իմ վարքի կանոնները»:
Հարցին՝ ՀՀ պաշպանության նախարարը կարո՞ղ է լինել երկքաղաքացի, դուք դա նորմա՞լ եք համարում՝ Տոնոյանը պատասխանեց. «Ես դա նորմալ չեմ համարում, բայց օրենքով կարող է լինել»:
Հարցին՝ ռազմական անվտանգության տեսանկյունից դա կասկածների առիթ չի՞ տալիս՝ նախարարը պատասխանեց. «Ես, որպես Դավիթ Տոնոյան, դա նորմալ չեմ համարում»:
Կարդացեք նաև
Խոսելով Միհրան Պողոսյանի մասին՝ հարցրեցինք՝ ԶՈՒ գեներալները, ովքեր այդ կոչումը ստացել են, բոլորը արժանի՞ են եղել այդ կոչմանը:
Նախարարի պատասխանը՝ շուտով տեսանյութում:
Հռիփսիմե ՋԵԲԵՋՅԱՆ
