«Արմավիր» ՔԿՀ-ի դատապարտյալները դիմումներով ՀՀ վարչապետ Նիկոլ Փաշինյանից եւ արդարադատության նախարար Արտակ Զեյնալյանից խնդրում են ուշադրություն դարձնել իրենց խնդիրներին: Ըստ խմբագրություն զանգահարողների` խցերի հատակը ցեմենտից է, ինչը փոշի է արտադրում: ՔԿՀ-ն չունի օդափոխիչ համակարգ: «Այսինքն` ինչպես ոմանք են նշում, դռների կերակրատախտակները բաց պահելը ոչ թե շռայլություն է կամ առանձնահատուկ վերաբերմունք, այլ կենսական անհրաժեշտություն»,-նշեցին նրանք:
«Բուժսպասարկումը նորմալ չի իրականացվում ինչի արդյունքում հիվանդ դատապարտյալները առողջների հետ են ապրում: Ու դրա համար է որ կերակրատախտակները բաց են մնում ու ինչքան տեղեկացված ենք՝ այս ՔԿՀ-ում օդափոխիչ համակարգ չլինելու պատճառով այդ կերակրադռնակները չպիտի փակվեն»,-նշեցին նրանք:
Դատապարտյալները վարչապետին ու նախարարին հղած իրենց դիմումներում նշել են խմելու ջրի հարցը, որը մատակարարվում է արտեզյան աղբյուրներից ու չի ֆիլտրվում: «Այդքանից հետո առանձնահատուկ վերաբերմո՞ւնք է դա մեզ»,-հարցրին նրանք:
Խմբագրություն ահազանգելով`նրանք խնդիրների լուծման համար ակնկալում են Մարդու իրավունքների պաշտպան Արման Թաթոյանի եւ ԱԺ մարդու իրավունքների պաշտպանության եւ հանրային հարցերի մշտական հանձնաժողովի նախագահ Նաիրա Զոհրաբյանի աջակցությունը:
Կարդացեք նաև
Հիշեցնենք, ԱԱԾ բացահայտումներից հետո հրաժարական է ներկայացրել «Արմավիր» քրեակատարողական հիմնարկի պետ Խաչիկ Հարությունյանը:
Դավիթ ԱՐՄԵՆՅԱՆ
