Ադրբեջանի Միլի մեջլիսի խոսնակ Օքթայ Ասադովը կոչ է արել խորհրդարանականներին զերծ մնալ Լեռնային Ղարաբաղի հակամարտությունը ռազմական ճանապարհով լուծելու կոչերից, հաղորդում է interfax.az-ը:
«Ինչի՞ կարող ենք հասնել միայն պատերազմի էմոցիոնալ կոչերով: Եթե հակամարտությունը հնարավոր է լուծել խաղաղ ճանապարհով, ապա ինչու՞ դեմ գնալ դրան»,- ասել է Ասադովը խորհրդարանի լիագումար նիստում:
Նրա խոսքով՝ խորհրդարանի պատգամավորները պետք է շատ «զգույշ մոտենան այդ թեմային»: «Ադրբեջանի նախագահ Իլհամ Ալիևը միշտ հայտարարում է, որ մեր տարածքային ամբողջականությունը քննարկման առարկա չէ: Ուստի պատգամավորները պետք է զգույշ լինեն պատերազմի մասին իրենց կոչերում»,- ասել է Ասադովը:
Պատրաստեց՝ Վիկտորյա ԱՆԴՐԵԱՍՅԱՆԸ
