Երեւանի քաղաքապետ Հայկ Մարությանն այսօր ավագանու նիստի ընդմիջմանը լրագրողների հետ ճեպազրույցում անդրադառնալով աղբահանության խնդրին, ասաց՝ գոհ չէ «Սանիտեք» ընկերության աշխատանքից, բայց տուգանումից հետո սկսել են մի փոքր լավ աշխատել:
Քաղաքապետն ասաց, որ փորձում են համալիր լուծումներ տալ աղբահանությանը. «Սանիտեքին» ասել ենք՝ եթե բնականոն աշխատեք՝ ուրախ կլինենք: Տեսանք՝ թերանում են, ամեն ինչ արել ենք, որ ոտքի կանգնեն, որովհետեւ իրենց վիճակը լավ չէր: Բայց տեսնում էինք, որ պատկերը բավարար չէ, դրա համար ձեռնարկում ենք այն, ինչ տեսնում եք»: Մարությանը նկատի ուներ, որ քաղաքապետարանը 900 մլն դրամի աղբատար մեքենաներ է ձեռք բերելու. կառավարությունից հավանություն ստացավ մեկ անձից գնման համար:
Այս առնչությամբ ավագանու «Լույս» խմբակցության ղեկավար Դավիթ Խաժակյանը հայտարարել էր՝ մեքենաների չափանիշները հատուկ գրվել է «Կամազ» գործարանի համար, որպեսզի քաղաքապետարանը հենց դրանից էլ գնի, այլ ոչ թե մրցույթ հայտարարվի:
Մարությանն արձագանքելով այս տեսակետին, ասաց՝ նման բան չկա:
Կարդացեք նաև
Նելլի ԲԱԲԱՅԱՆ
