Այսօր ԱԺ-ում, ինչպես տեղեկացրել ենք, պատգամավորները փակ, գաղտնի քվեարկությամբ ընտրեցին ՏՄՊՊՀ նախագահ:
Քվեարկությունն անցնում էր ուրախ, հումորային մթնոլորտում: «Իմ քայլի» պատգամավոր Հովհաննես Իգիթյանը, տեսնելով հաշվիչ հանձնախմբի 4-5 կին անդամների, կատակեց՝ «Հետո էլ ասում են գենդերային հավասարություն»: Կանայք էլ արձագանքեցին. «Ասում են՝ ձեզ նեղում ենք»:
Մխիթար Հայրապետյանն ու Սիսակ Գաբրիելյանը դժգոհում էին, որ Շիրակ Թորոսյանը արտահերթ է մտել քվեարկելու, շրջանցել է հերթը: Երբ Հովհաննես Իգիթյանը մոտեցավ, Մխիթար Հայրապետյանն ասաց. «Առանց էդ էլ Շիրակին թողեցինք: Ախալքալակցի էր, դրա համար ձեն չհանեցինք»:
Իսկ «Իմ քայլը» խմբակցության ղեկավար Լիլիթ Մակունցը մտնելով քվեախուց, հայտնաբերեց, որ իրեն տրված քվեաթերթիկն արդեն անկանոն նշումով էր ու անվավեր: Նա փոխեց այն ու վերցրեց նորը:
Կարդացեք նաև
Հռիփսիմե ՋԵԲԵՋՅԱՆ
