ԲՀԿ պատգամավոր Միքայել Մելքումյանն այսօր ԱԺ-ում հարցին՝ Մարտի 1-ի զոհերի հարազատներին փոխհատուցում տալու նախագծին ԲՀԿ-ն ո՞նց է վերաբերում, դիրքորոշում կա՞՝ պատասխանեց, որ իրենք միանշանակ կողմ են քվեարկելու:
Լրագրողները հիշեցրին՝ ժամանակին ԲՀԿ պատգամավորները լուռ նստած էին խորհրդարանում ու հետեւում էին իրադարձություններին ու հենց այդ խորհրդարանն էլ վավերացրեց այն նախագիծը, որով արտակարգ դրություն մտցվեց երկրում: Մելքումյանն արձագանքեց. «Եթե չեմ սխալվում, հանձնաժողով է ստեղծվել, մեր անդամը եղել է Նաիրա Զոհրաբյանը: Շատ-շատ հարցադրումներ կատարվել են օբյեկտիվ, հետաքննչական: Ես չեմ կիսում, որ այսպես նստել են դիտորդական: Որ հետեւեք, կտեսնեք, որ օբյեկտիվ հարցեր բարձրացվել են:
Հարցին՝ ԲՀԿ-ին մեղադրում են, որ մի ամբողջ խմբակցություն մի գործարարի շահերն է պաշտպանում, ի՞նչ կասեք: Նա պատասխանեց. «Պետք է հիասթափեցնեմ ձեզ: ԲՀԿ-ն, ինչպես միշտ, հարցադրումներ է կատարել աշխատատեղերի պահպանման եւ նոր աշխատատեղերի ստեղծման առումով»: Երբ հիշեցրին, որ ԲՀԿ-ն ակտիվանում է, երբ Ծառուկյանի բիզնեսների հետ կապված հարց է քննարկվում՝ Մելքումյանը չհամաձայնեց:
Մանրամասները՝ տեսանյութում:
Կարդացեք նաև
Հռիփսիմե ՋԵԲԵՋՅԱՆ
