«Ելնելով ներքաղաքական նպատակներից՝ մենք լուրջ խնդիր առաջացրինք ՀԱՊԿ-ի շրջանակներում՝ կապված ՀԱՊԿ-ի այն ժամանակվա քարտուղար Յուրի Խաչատուրովի հետ: Փաստորեն լրջագույն խնդիր առաջացրինք, որ առայսօր լուծված չէ, եւ այդ խնդիրը բերել է հայ-ռուսական հարաբերությունների սրմանը:
Ընդհանրապես ցանկացած արտաքին եւ ներքաղաքական հարցի լուծում պետք է միտված լինի պետության ամրացմանը, պետության անվտանգության ամրացմանը»,- «Պոստ սկրիպտում» ակումբում ասաց իրեն ընդդիմադիր արտախորհրդարանական ուժ համարող «Ազգային օրակարգ» կուսակցության հիմնադիր հանձնախմբի անդամ Արա Հակոբյանը։
«Մեզ համար կարեւորագույն խնդիրը Արցախի հարցում բանակցություններն են, որոնց վերաբերյալ տվյալները ստանում ենք երկրորդ կամ երրորդ կողմից, մինչդեռ ամենասկզբից խոսվում էր այն մասին, որ ամեն ինչ թափանցիկ է լինելու, հանրային քննարկման միջոցով եւ այլն:
Խոսքը գնում է բանակցություններում Արցախի ներառման մասին, եւ ասում են՝ մենք զրոյական կետից ենք սկսում, բայց դա այդպես չէ, որովհետեւ հնարավոր չէ, որ եւ Մամեդյարովը սուտ ասի, եւ Լավրովը, եւ Եռանախագահները ստեն;
Կարդացեք նաև
Բոլորը սո՞ւտ են ասում, բոլորի ասածները հաշվի չառնե՞նք, բայց հաշվի առնենք այն, ինչ մերոնք չեն ասո՞ւմ: Այսինքն, այնպիսի տպավորություն է, որ քայլերի ընդհանրական քաղաքական կամ աշխարհաքաղաքական հետեւանքները լավ չեն հաշվարկվում: Եվ դա իմացության եւ կարողության խնդիր է»,- նշում է Արա Հակոբյանը:
Գոհար ՀԱԿՈԲՅԱՆ
