ԱԺ այսօրվա նիստում քննարկվում է ՀՀ Տնտեսական մրցակցության պաշտպանության պետական հանձնաժողովի նախագահի ընտրության հարցը: Այս պաշտոնում ՀՀ վարչապետ Նիկոլ Փաշինյանն առաջադրել է Գեղամ Գեւորգյանի թեկնածությունը:
«Իմ քայլը» խմբակցության պատգամավոր Միքայել Զոլյանը նրան հետեւյալ հարցադրումն ուղղեց. «ՀՀ-ում, ի տարբերություն Վրաստանի, ավիատոմսերի գներն անհամեմատ բարձր են: Անբարեխիղճ մրցակցության հարց տեսնո՞ւմ եք»:
Գեղամ Գեւորգյանի պատասխանեց, որ նախ պետք է ուսումնասիրել ավիաընկերությունների քաղաքականությունը. «Պարզվում է, որ ծառայությունների արժեքն այնքան էլ թանկ չէ, որքան ներկայացվում է»:
Կարդացեք նաև
Գեղամ Գեւորգյանը խոստացավ, որ ՏՄՊՊՀ նախագահ ընտրվելով՝ ավիատոմսերի ոլորտն իր ուշադրության կենտրոնում է պահելու եւ մանրամասն ուսումնասիրություններ անցկացնելու. «Խոսքը բոլոր հնարավոր հակամրցակցային գործողությունների մասին է»:
Լուիզա ՍՈՒՔԻԱՍՅԱՆ
