ԱԺ ԲՀԿ խմբակցության ղեկավար Գագիկ Ծառուկյանը կառավարությունում էր։ Թե ում հետ էր հանդիպում, պարզ չէ։
Նշենք, որ նման բան շատ հազվադեպ է լինում։ Հավանաբար Ծառուկյանը կառավարություն է եկել «Արարատցեմենտ»-ի հարցով։ Նա դժգոհ է հարկային փոփոխությունից, ըստ որի միայն իրանական ցեմենտի վրա են պետտուրք սահմանում։ Մինչդեռ Ծառուկյանը, որի ընտանիքին է պատկանում գործարանը, հավաստիացնում է, որ ներկրված կլինկեր նյութի համար էլ պետք է պետտուրք սահմանել, որպեսզի տեղական ապրանքը մրցունակ լինի։
Ծառուկյանի հետ հանդիպումը շատ կարճ տևեց, մոտ 20 րոպե։ Երբ նա դուրս էր գալիս կառավարության շենքից, անտրամադիր տեսք ուներ։
Լրագրողների հարցերին հրաժարվեց պատասխանել։
Կարդացեք նաև
Նելլի ԲԱԲԱՅԱՆ
Հ. Գ. Վարչապետի խոսնակ Վլադիմիր Կարապետյանն ավելի ուշ ԶԼՄ-ներին հայտնել է, որ Նիկոլ Փաշինյանի եւ Գագիկ Ծառուկյանի հանդիպման ընթացքում քննարկվել է հարցերի լայն շրջանակ. «Խորհրդարան-կառավարություն համագործակցության, ներդրումային միջավայրի եւ «Արարատցեմենտի»-ն վերաբերող հարցեր»,
