Վարչապետ Նիկոլ Փաշինյանը Հանրային ծառայությունները կարգավորող հանձնաժողովի (ՀԾԿՀ) նախագահի պաշտոնում առաջարկել է Գարեգին Բաղրամյանի թեկնածությունը:
Այսօր ԱԺ-ում լրագրողները Բաղրամյանին հարցրեցին՝ մամուլում գրվեց, որ ձեր առաջադրվելու հարցում կա ռուսական հետք, դուք ո՞նց կարձագանքեք: Նա պատասխանեց. «Նկատի ունեք Սամվել Կարապետյանի՞ն, Սամվել Կարապետյանին ընդհանրապես մոտիկից էլ չեմ տեսել: Կարեն Կարապետյանի հետ շփվել եմ մի քանի անգամ՝ զուտ ելնելով, երբ որ ինքը եղել է վարչապետ, ընդամենը քննարկումներին մասնակցելով»:
Aravot.am-ը հարցրեց՝ ձեր անվան հետ կապված մամուլում պարբերաբար շահարկումներ են լինում եւ շոշափվում է ԱԱԾ տնօրեն Արթուր Վանեցյանի բաջանաղը լինելու հանգամանքը՝ կապելով ձեր պաշտոնավարության հետ, դուք ինչպե՞ս եք վերաբերվում այդ հրապարակումներին: Բաղրամյանը պատասխանեց. «Որ բաջանաղ ենք, այո, բաջանաղ ենք, Վանեցյանը 18-ից ավելի տարի աշխատում է ԱԱԾ-ում, ես 19 տարի, դաժե 20 արդեն էներգահամակարգում եմ եւ ես չեմ կապում որեւիցե ձեւ մեր բարեկամական կապը նշանակման հետ»:
Նա ասաց, որ Վանեցյանի հետ բաջանաղ են մոտ 14 տարի:
Կարդացեք նաև
Հարցին՝ Վանեցյանը ձեզ չի՞ աջակցել՝ նա պատասխանեց, որ ոչ: Առավել եւս՝ ինքն էլ չի աջակցել Վանեցյանին:
Հռիփսիմե ՋԵԲԵՋՅԱՆ
