Խորհրդարանում այսօր քվեարկվեց «ՀՀ ֆինանսների նախարար Ատոմ Ջանջուղազյանի հետագա պաշտոնավարման հարցը վարչապետի քննարկմանն առաջարկելու մասին» ԱԺ որոշման նախագիծ ընդունելու հարցը, որը երեկ առաջադրել էր «Լուսավոր Հայաստան» խմբակցությունը:
Հիշեցնենք, որ ԼՂՀ ղեկավար Էդմոն Մարուքյանին չէին գոհացրել կառավարության կառուցվածքի վերաբերյալ իրենց հարցադրումներին ուղղված նախարարի վերացական պատասխանները: «Կարծում եմ՝ պարոն Ջանջուղազյանը պետք է այստեղ նստած լիներ: Նրա պահվածքը խոսում է շատ բանի մասին: Սա զգուշացում է բոլոր նախարարներին, որ խորհրդարանական երկրներում չի կարելի այսպես վարվել խմբակցությունների հարցադրումների հետ»,-հայտարարեց Էդմոն Մարուքյանը, ապա նշեց, որ ԼՀԿ-ն «կողմ» է քվեարկելու հարցին:
ԲՀԿ պատգամավոր Միքայել Մելքումյանն էլ ասաց, որ ԲՀԿ-ն եւս «կողմ» է քվեարկելու, որովհետեւ իրենց հարցերը եւս չեն ստացել պատասխաններ. «Նախարարը պարզ, հասկանալի եւ մարդկային լեզվով պետք է պարզաբաներ, նաեւ՝ հստակեցներ տասը հազար քաղաքացիների աշխատանքից ազատման հարցը»:
Նախաձեռնությունը, սակայն, խորհրդարանը չընդունեց: «Կողմ» քվեարկեց 41, իսկ «դեմ»՝ 67 պատգամավոր, ուստի այն չի ներկայացվի վարչապետի ուշադրությանը:
Կարդացեք նաև
Լուիզա ՍՈՒՔԻԱՍՅԱՆ
