ԱՄՆ-ը առաջարկել է հերթական անգամ կազմակերպել Հայաստանի և Ադրբեջանի արտգործնախարարների հանդիպում, այս անգամ Վաշինգտոնում: Ինչպես հաղորդում է «ՌԻԱ Նովոստին», այդ մասին հայտարարել է Ադրբեջանի արտգործնախարար Էլմար Մամեդյարովը:
«Ադրբեջանի և Հայաստանի ԱԳՆ ղեկավարների վերջին հանդիպումը տեղի է ունեցել Մոսկվայում՝ ռուս գործընկեր Սերգեյ Լավրովի նախաձեռնությամբ: Ռուսաստանի հետ ջանքերի երկակի, եռակի ավելացման պարագայում հնարավոր է հույս ունենալ հակամարտության կարգավորման գործընթացում առաջընթացի… Երեկ հրավեր է ստացվել ԱՄՆ-ից՝ այցելելու Վաշինգտոն, որտեղ պետքարտուղարը սեփական ջանքերը կներդնի հակամարտության լուծման մեջ բեկման հասնելու համար»,- ասել է Մամեդյարովը Վարշավայում տեղի ունեցած ճեպազրույցում:
Հիշեցնենք, ապրիլի 15-ին Մոսկվայում ԵԱՀԿ համանախագահների հովանու ներքո Հայաստանի և Ադրբեջանի արտգործնախարարների հանդիպմանը մասնակցում էր նաև Ռուսաստանի արտգործնախարար Սերգեյ Լավրովը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
