Կառավարություն-ԱԺ հարցուպատասխանի ժամանակ այսօր ԲՀԿ պատգամավոր Վարդեւան Գրիգորյանը բարձրաձայնեց՝ Արցախի եւ ՀՀ-ի միջեւ «ռոումինգ» ծառայության վերացման հնարավորություն կամ քննարկում կա՞:
ՀՀ տրանսպորտի, կապի եւ տեղեկատվական տեխնոլոգիաների նախարար Հակոբ Արշակյանը պատգամավորին տեղեկացրեց, որ հարցը քննարկվել է. «Ռոումինգ»-ի սակագնի պայմանավորվածությունը ձեռք է բերվում երկու օպերատորների միջեւ, այսինքն՝ Արցախում ծառայություններ մատուցողի եւ հայաստանյան օպերատորների միջեւ: Վերջին տարիներին այդ սակագինը 145-232 դրամի միջեւ է տատանվել, իսկ հիմա՝ 25-45 դրամ է: Սա միջպետական քննարկման հարց է: Այն մշտապես քննարկվում է՝ հասկանալու համար սակագինը նվազեցնելու հնարավորությունները»:
Ըստ Հակոբ Արշակյանի՝ նշյալ թվերը խոսում են այն մասին, որ սակագինը վեց անգամ իջեցվել է, բայց քննարկումները շարունակվում են. «Շատ չեմ կարող մանրամասնել»:
Կարդացեք նաև
Լուիզա ՍՈՒՔԻԱՍՅԱՆ
