Համաշխարհային բանկը հրապարակել է «Միգրացիա և Դրամական փոխանցումներ» 2019թ․-ի ապրիլյան զեկույցը, համաձայն որի՝ Հայաստանում ՀՆԱ-ի նկատմամբ դրամական փոխանցումները 2018թ․-ին կազմել են 12,1%։ Եվրոպայում և Կենտրոնական Ասիայում (#ԵԿԱ) 2018թ․-ին դրամական փոխանցումներն աճել են 11%-ով՝ հասնելով 59 մլրդ դոլարի:
Տնտեսական ակտիվության շարունակական աճը խթանել է փոխանցումները տարածաշրջանում դրամական փոխանցումների իրականացնող առաջատար երկրներից՝ Լեհաստանից, Ռուսաստանից, Իսպանիայից և ԱՄՆ-ից։ Դրամական փոխանցումներից քիչ կախվածություն ունեցող երկրները՝ Ղրղզստանը, Տաջիկստանը և Ուզբեկստանը, փոխարենը շահել են Ռուսաստանում տնտեսական ակտիվության վերականգնումից։
Ուկրաինան՝ տարածաշրջանի խոշորագույն դրամական փոխանցումներ ստացող երկիրը, 2018թ․-ին սահմանել է նոր ռեկորդ՝ ավելի քան 14 մլրդ դոլար փոխանցումներ, ինչը գերազանցում է 2017թ․-ի տվյալները 19%-ով։ Ուկրաինայի այս աճը արտացոլում է դրամական փոխանցումների գնահատման վերանայված մեթոդաբանությունը, ինչպես նաև հարևան երկրներում միգրանտ աշխատողների պահանջարկի աճը:
Համաշխարհային բանկ
