«Բարգավաճ Հայաստանը» «դեմ» է քվեարկելու կառավարության նոր կառուցվածքի մասին օրենքի նախագծին: Այս մասին այսօր ԱԺ ամբիոնից հայտարարեց ԲՀԿ պատգամավոր Նաիրա Զոհրաբյանը: Նա նշեց, որ իրենց չեն գոհացրել կառավարության բացատրությունները.
«Օպտիմալացման առնչությամբ որեւէ հիմնավոր պատճառ չասվեց Արտակ Զեյնալյանի կողմից, բացի ինտուիցիայից, այսինքն՝ օպտիմալացումը կատարվելու է՝ ապավինելով կառավարության ինտուիցիային: Չեմ ուզում կասկածի տակ դնել կառավարության եւ նրա առանձին անդամների ինտուիցիան, բայց այս դեպքում, երբ գործ ունենք մարդկային ճակատագրերի հետ, որոնց մի մասն արդեն գործազուրկ է, ես անգամ Վանգայի ինտուիցիայի վրա հույս չէի դնի: Չասվեց նաեւ, թե օպտիմալացման արդյունքում որքան գումար է խնայվելու»,-նկատեց Նաիրա Զոհրաբյանը:
Հիշեցնենք, որ կառավարության նոր կառուցվածքը ենթադրում է ոչ թե 17, այլ 12 նախարարություն:
Կարդացեք նաև
Լուիզա ՍՈՒՔԻԱՍՅԱՆ
Լրագրողի վէրջին շեշտը ընթերցողին զինաթափում է.բռռռռաւօօօօօօ