Միհրան Պողոսյանին կալանավորելու որոշում կայացվել է նրան առաջադրված նոր մեղադրանքի սահմաններում: Այսօր լրագրողների հետ զրույցում ասաց ՀՀ գլխավոր դատախազ Արթուր Դավթյանը` պատասխանելով հարցին` ինչո՞ւ նախկինում Միհրան Պողոսյանին կալանավորելու որոշում չէր կայացվում, արդյոք իշխանափոխությունից հետո ավելի անկաշկանդ են գործում իրավապահները:
Հիշեցնենք, դատարանը բավարարել է ՀՔԾ միջնորդությունը և որոշում կայացրել ՀՀԿ խմբակցության նախկին պատգամավոր, ԴԱՀԿ նախկին պետ Միհրան Պողոսյանին կալանավորելու վերաբերյալ։
Դատախազն ասում է, այժմ ունենք հանցագործության նոր տվյալներ, որոնք նախկին հարուցված քրեական գործում չեն եղել: Խոսքը դրամական վատնումների մասին է: «Ունեցանք նոր հանգամանքներ, նոր տեղեկություններ, հարուցվեց քրեական գործ եւ այդ գործի քննության ընթացքում ձեռք բերվեցին նոր հանգամանքներ, որոնք առիթ հանդիսացան, որպեսզի ես`դրանց հիման վրա, վերացնեմ նախկինում կայացված որոշումը»,- ասաց Արթուր Դավթյանը`վստահեցնելով, որ նախկին իշխանության տարիներին էլ «չի եղել որեւէ ճնշում, որեւէ հրահանգ, դա եղել է բացառապես քրեական գործի փաստական հանգամանքներով պայմանավորված»:
Հարցին`Միհրան Պողոսյանն այս ընթացքում քանիցս է հայտնել իր գտնվելու վայրը, ի՞նչն է խանգարում քննչական մարմիններին: Արթուր Դավթյանն ասաց, որ դա դատախազության տիրույթի հարց չէ:
Կարդացեք նաև
Այլ մանրամասները`տեսանյութում
Նելլի ԳՐԻԳՈՐՅԱՆ
