«Խոսակցություններ կան, թե որոշ պատգամավորներ գաղտնի կամ անձնական նպատակներով հանդիպումներ են ունեցել ցեմենտ արտադրող ընկերությունների ղեկավարների հետ եւ անձնական շահագրգռվածություն ունեն ցեմենտի գնի հետ կապված»,-ԱԺ ամբիոնից այսօր հայտարարեց «Իմ քայլը» խմբակցության պատգամավոր Հայկ Սարգսյանը:
Նա պարզաբանեց, որ երեկ իր աշխատասենյակում հանդիպել է հայաստանյան ցեմենտ արտադրող երեք գործարաններից երկուսի սեփականատերերի հետ եւ լսել նրանց մտահոգությունները:
Հիշեցնենք՝ ԱԺ տնտեսական հարցերի հանձնաժողովում քննարկվում է օրենքի նախագիծ, որն առաջարկում է իրանական ցեմենտի ամեն տոննայի համար 22 000 դրամ պետական տուրք սահմանել՝ տեղական արտադրողներին այս կերպ պաշտպանելու համար:
«Բոլորին պետք է լսել: Զանգել եմ նաեւ Սեդրակ Առուստամյանին՝ «Մուլտի Գրուպ Կոնցեռն»-ի գլխավոր տնօրեն եւ «Արարատ ցեմենտ»-ի տնօրենների խորհրդի նախագահին: Կապ չստացվեց հաստատել, բայց ցանկություն ունեմ հանդիպելու: Այստեղ որեւէ շահադիտական եւ անձնական ցանկություն չկա: Միակ ցանկությունն է՝ հասկանալ, թե ինչ դիրքորոշում ունեն ցեմենտ արտադրողները»,-վստահեցրեց Հայկ Սարգսյանը:
Կարդացեք նաև
Լուիզա ՍՈՒՔԻԱՍՅԱՆ
