«Եթե վերադառնանք եւ տեսնենք, թե մեկ տարի առաջ այս օրերին ինչ էր հայտարարում պարոն Մարուքյանը, գուցե շատ բան ավելի հասկանալի դառնա»,-լրագրողների հետ ճեպազրույցում այսօր անդրադառնալով ԱԺ «Լուսավոր Հայաստան» խմբակցության ղեկավար Էդմոն Մարուքյանի՝ «սահմանելով Քաղաքացու օր՝ կառավարությունն ինքն իրեն է մեծարել, իսկ քաղաքացին հպատակ է մնացել» հայտարարությանը, ասաց ՀՀ վարչապետ Նիկոլ Փաշինյանը:
Ինչ վերաբերում է ԲՀԿ պատգամավոր Գեւորգ Պետրոսյանի բաց նամակին, որում նա անդրադառնում է մաքսատան աշխատակցին աշխատանքից ազատման դիմում գրելու մասին վարչապետի հրահանգին եւ այն համարում աշխատանքային իրավունքների խախտում, Նիկոլ Փաշինյանը նշեց. «Կարծում եմ՝ եթե այսպես գնա, հաջորդ բաց նամակը կլինի այն մասին, որ Սերժ Սարգսյանի աշխատանքային իրավունքները խախտվել են, որովհետեւ ըստ Սահմանադրության՝ վարչապետ ընտրվելուց մեկ տարի հետո նա պաշտոնանկության ենթակա չէր»:
Լուիզա ՍՈՒՔԻԱՍՅԱՆ
