«Պետք է աշխատենք խնդրի խաղաղ կարգավորման ուղղությամբ: Հույս ունեմ, որ բոլորս անկեղծ ենք մեր մղումներում, որովհետեւ եթե բանակցությունների սեղանի շուրջ մեկը մյուսին փորձեց խաբել, չի ստացվի»,-լրագրողների հետ ճեպազրույցում այսօր անդրադառնալով Արցախյան հակամարտության կարգավորման բանակցային գործընթացի ներկա փուլին, ասաց ՀՀ վարչապետ Նիկոլ Փաշինյանը:
Նկատառմանն ի պատասխան, որ «ՀՀ-ն անվերջ խաղաղություն է քարոզում, մինչդեռ Ադրբեջանը՝ պահանջում իր «օկուպացված» տարածքները», Փաշինյանը նշեց. «Մենք ոչինչ անվերջ չենք քարոզում եւ առհասարակ՝ որեւէ բան չենք քարոզում: Մենք խաղաղություն չենք քարոզում, այլ առաջարկություններ ենք անում՝ հարցի կարգավորման որոշակի հարթակ ստեղծելու համար: Կա պատերազմի ճանապարհ եւ խաղաղության: Մենք ասել ենք, որ մեզ պատերազմով չեք վախեցնի: Մենք էլ որեւէ մեկին չենք վախեցնում: Եկեք որոշենք՝ ուզում ենք այս հարցը խաղաղությա՞ն հարթակի վրա լուծել, թե ոչ»:
Նիկոլ Փաշինյանը համոզմունք հայտնեց, որ ցանկացած բանական մարդ հակամարտությունը պետք է աշխատի լուծել խաղաղության հարթակի վրա. «Հակառակ դեպքում ի՞նչ իմաստ ունի բանակցային գործընթացը»:
Լուիզա ՍՈՒՔԻԱՍՅԱՆ
բայց զիս վախեցնում են, Պարոն Վարչապետ
ուղղակի վախեցնում են, ամիսներէ ի վեր խորապէս վախենում եմ, բառացիօրէն քունս եմ փախցնում այդ նիւթով
ես պիտի չկռուիմ, ոչ ալ իմ որդին, սակայն զիս շատ է վախեցնում պատերազմի այդ յաջորդ բռնկումը…
գիտեմ որ այտեղ ինքնասպանական հակումներ կան մշտապէս, սակայն ես վախենում եմ… Հայաստանի եւ Արցախի բնակիչներուն համար, իրենց տե՛ղն եմ վախենում – անոնց պարագային որոնց համար ծանօթ բան չէ, այդ զգացումը – …
որովհետեւ այս անգամ, «շնորհիւ» Ձեզի, Հայաստանի ռազմական դաշնակիցը կարող է տարբեր կերպով մօտենալ այդ բռնկման
նորէն կը յաղթէք, այո… սակայն գինը շատ, շատ ծանր է լինելու այս անգամ
իսկ այս դրութեան մէջ, Ձեր զուտ անձնական երջանկութեան տեւական ցուցադրումը… անասելի է…