Էջմիածին քաղաքի 81-ամյա բնակչի սպանության մեջ կասկածվող ու ձերբակալված 29 ամյա աղջիկը սպանությունից հետո սպանված կոնյակագործի «Lexus RX 330» մակնիշի ավտոմեքենայով Դիլիջանի ոլորաններում վթարի է ենթարկվել ու տեղափոխվել Տավուշի բժշկական կենտրոն:
Բժշկական կենտրոնի բուժգծով փոխտնօրեն Սահակ Մկրտումյանը Aravot.am-ի հետ զրույցում ասաց, որ իրենց մոտ էին տեղափոխվել ուղեւորները՝ տատ ու թոռ: Թոռնուհին, որը ձերբակալվել է սպանության կասկածանքով. հրաժարվել է բուժզննումից ու բուժօգնությունից, իսկ տատիկի մոտ արձանագրվել է բազմաբեկոր ազդոսկրի կոտրվածք: Վերջինս, ըստ Մկրտումյանի, գիշերն ընդունվել է իրենց կենտրոն, առավոտյան ազգականների պահանջով, տեղափոխվել Երեւան՝ Էրեբունի բժշկական կենտրոն:
Մեր տեղեկություններով՝ սպանվածի հետ ծանոթ է եղել ձերբակալված աղջիկը: Նախնական տեղեկություններով՝ սպանության մեջ կասկածվող ու ձերբակալված 29 ամյա աղջիկը սպանվածի սիրուհին էր:
Կարդացեք նաև
Այս գործով մյուս կասկածյալը՝ 48-ամյա Ղազար Մնացականյանը. ամիսներ առաջ էր ազատվել «Արմավիր» ՔԿՀ-ից: Նա մի քանի անգամ դատվել է գողության, թմրամիջոցների օգտավործման եւ իրացման համար։ Արարատ քաղաքի բնակիչ է։ Կինն ու տղան ապրում են Ռուսաստանում:
Արփինե ՍԻՄՈՆՅԱՆ
Լուսանկարը՝ Գագիկ ՇԱՄՇՅԱՆԻ/shamshyan.com
