Արագածոտնի մարզի սահմանամերձ եզդիաբնակ Թլիկ գյուղում ջրի խնդիրը այդպես էլ չի լուծվում:
Ինչպես Aravot.am-ի հետ զրույցում հայտնեց գյուղի բնակիչ Ալիկ Մստոյանը 90-ականներից ջրի խնդիր ունեն: «Հիմա այս ջուրը Արփաչայից պոմպով մղում ենք վերեւ, որպեսզի կարողանանք օգտագործել»,- ասաց մեր զրուցակիցը՝ ցույց տալով տարաներում լցված դեղնավուն ջուրը, որն օգտագործում են լվացվելու, լողանալու, կենդանիների համար: Ինչ վերաբերում է խմելու ջրին, այն գնում են:
Ալիկ Մստոյանը հավելեց, որ գյուղ է այցելել ԱԺ պատգամավոր Ռուստամ Բաքոյանը, որին տեղեկացրել են ջրի՝ անլուծելի թվացող խնդրին: Ասաց նաեւ, որ համայնքի ղեկավարն ու գյուղացիները քանիցս հարցը բարձրացրել են, բայց սայլը տեղից չի շարժվել:
Կարդացեք նաև
Aravot.am-ի հետ զրուցած թլիկցիներն առաջարկում են ջրի հարցը հետեւյալ կերպ լուծել՝ կամ բերել հարեւան գյուղից, կամ շահագործել 80-ականներից եղած արտեզյան ջրհորներից մեկը:
Գոհար ՀԱԿՈԲՅԱՆ
